Këshilli Mbikëqyrës mund të pasurohet me figura të reja të sportit”- kjo është një nga deklaratat e bëra mbrëmjen e së dielës nga kryebashkiakja Voltana Ademi në “Ora Skaner”.
Çka do të thotë konkretisht “mund të pasurohet”.
Në pamje të parë ideja e kësaj shprehje të presidentes aktuale të Vllaznisë, do të kemi të bëjmë me një rritje të numri të anëtarëve të Këshillit Mbikëqyrës dhe ato që do të shtohen do të jenë njerëz të sportit.
Një deklaratë e tillë e Ademit shpjegon shumë gjëra. Deri më sot ka patur një ide sikur Këshilli aktual Mbikëqyrës do të shkarkohej ose do të jepte dorëheqjen.
Po ashtu, në media kanë dalë edhe emrat e Sabah Bizit, Paulin Ndonës, Taip Piraniqit, Lazer Matisë, Mhill Shkëmbit dhe Erogen Brajoviç (Fatmir Paçrami është tërhequr) si kandidatët për Këshillin e ri.
Por mesa duket, më datë 26 qershor kur do të mblidhet Asambleja e Përgjithshme e Klubit të Futbollit Vllaznia, do të veprohet ndryshe.
Katër anëtarëve aktualë të Këshillit Mbikëqyrës (gjithnjë nëse nuk do ketë ndonjë tërheqje të ndonjërit prej tyre), do t’u shtohet edhe ndonjë tjetër dhe kjo do të thotë se numri i anëtarëve të tij do të rritet.
Po ashtu, po flitet se duke qenë shtatë numri i anëtareve dhe duke patur më shumë anëtarë nga fusha e sportit, ata do angazhohen më shumë në vendimmmarrjen e klubit.
© shkodrasport.com
