Mungesa e hapesirave tek Kukesi, ka bere qe mesfushori shkodran Arlind Kalaja te kaloje tek Kastrioti per gjysmen e dyte te sezonit. Nje levizje kjo e minutave te fundit, e zyrtarizuar nga vete klubit kukesian permes faqes se tij.
“Klubi zyrtarizon transferimin e mesfushorit Arlind Kalaja tek skuadra e Kastriotit. 23-vjeçari i cili u bashkua me ekipin tonë gjatë merkatos së verës, do të kalojë me formulën e huazimit tek skuadra krutane.
Marrëveshja është arritur sot me pëlqimin e mesfushorit dhe Kalaja do të do të jetë lojtar i Kastriotit deri në fund të sezonit futbollistik 2018- 2019”- shkruhet ne kete faqe.
Kuptohet qe ne kete mes mesa duket ka qene edhe vete deshira e Kalajes per te bere kete levizje sepse kerkon me shume minuta aktivizim. Ai u largua veren e kaluar nga Vllaznia per tek Kukesi me idene se atje do te ishte titullar por ne fakt ka luajtur shume pak.
Kjo ka bere qe ai te mos ndjehet mire dhe ne kete kontekst, me mirekuptimin e te dy paleve, eshte realizuar edhe ky huazim per tek Kastrioti, skuader kjo qe eshte tjetersuar gjate diteve te fundit sepse me te jane bashkuar shume lojtare.
