Mëngjesin e së premtes është ndarë nga jeta në moshën 71 vjeçare gazetari dhe komentatori I mirënjohur sportiv Ymer Striniqi. Ai kishte kohë që vuante nga një sëmundje e rëndë e cila I mori edhe jetën duke lënë pas jo pak gjëra të parregulluara në jetën e tij. Njeriu që mbi 50 vjet me rradhë ishte simboli I mikrofonit, statistikave dhe komenteve të tij, këtë herë nuk arriti të komentonte ndeshjen e rradhës, atë të jetës.
Për të gjithë ne gazetarët e tjerë sportivë, ai ka qenë shembulli i njeriut korrekt, I gazetarit të apasionuar dhe komentatorit me zë të veçantë. Ka qenë shembulli I njeriut të ndershëm dhe I tillë iku nga kjo botë. Madje, edhe përcjelljen për në banesën e fundit, e ka lënë amanet që t’ia bëjnë pa nderime të mëdha. Ndoshta si apel për njerëzit që kishin diçka në dorë dhe kurrë nuk I hapën dyert për t’I kryer punë. Për vajzën që endet çdo ditë në dyert e Drejtorisë Arsimore për një vend punë, për djalin në po të njëjtat kushte dhe për rrjedhojë, profesor Ymeri ka dashur që përcjelljen për në banesën e fundit ta bëjë pa ceremoni të veçantë dhe pa homazhe. Sepse I tillë ka qenë ky njeri gjatë gjithë jetës së tij. Megjithatë, karriera dhe vepra e Ymer Striniqit do të mbesin gjatë në kujtesën e të gjithëve. Zëri I tij në transmetimet radiofonike dhe televizive, statistikat e veçanta dhe komentet shumë domethënëse. Mbi 50 vite karrierë në mediat lokale dhe ato qendrore, e kanë bërë atë një personalitet të veçantë në fushën e gazetarisë sportive. I përjetshëm qoftë kujtimi yt profesor Ymeri!
Gjergj KOLA
