Pas brazilianit Jefferson Santana, edhe dy futbollistë të tjerë të huaj nuk e kalojnë provën tek Vllaznia. Për rrjedhojë ata janë larguar nga stërvitja e ekipit dhe njëkohësisht edhe nga Shkodra.
Bëhet fjalë për dy qendërmbrojtësit, malazezi Jovan Jablan dhe shqiptari Ilia Kasapi.
Trajnerit Lika i kanë mjaftuar vetëm pak ditë vëzhgim për të dalë në konkluzionin se këta futbollistë nuk plotësonin pritshmëritë e tij për repartin e prapavijës dhe për këtë arsye, i ka larguar nga stërvitja.
Kuqeblutë e kanë mëse të nevojshme ndërhyrjen në mërkato për pozicionin e qendërmbrojtësit pas dëmtimit edhe të Pjeshkës por të tre futbollistët e ardhur në provë nuk kanë bindur.
Santana, Jablan dhe Kasapi nuk arritën të fitonin një vend tek Vllaznia e sezonit të ri.
© shkodrasport.com
