Joao Mario është ndarë nga Inter-i dhe duket se ka gjetur veten. Mesfushori portugez, i huazuar te Ëest Ham, ka luajtur 90 minutat e tij të para në Premier League dhe është zgjedhur si lojtari më i mirë në fushë nga tifozët në ndeshjen e luajtur të martën në mbrëmje kundër Crystal Palace, e mbyllur në barazim 1-1.Tifozët e “Hammers” kanë zgjedhur ish-interistin para Noble, autori i golit për ekipin e Moyes.
Edhe pse është akoma herët për të dhënë një gjykim të plotë mbi formën e portugezit pas largimit nga zikaltrit, aventura e tij në Londër duket se ka filluar në mënyrën e duhur.
Kampioni i Europës me Portugalinë u paguar 45 milionë euro nga Inter në verën e 2016-ës, por nuk ka dhënë atë që prisnin drejtuesit dhe tifozët e skuadrës italiane, të cilët kanë mbetur të zhgënjyer.
Edhe me kalimin e Spalletti-t në drejtim të ekipit situata nuk ka ndryshuar, me mesfushorin që ka luajtur vetëm pesë ndeshje si titullar.
