“Do të jetë e vështirë, por do të luftojmë për gjithçka”. Këto janë fjalët e Lautaro Martinez, të thëna pas fitores së Interit ndaj Atalantës, si përgjigje ndaj një pyetjeje të drejtpërdrejtë mbi mundësinë për të fituar tripletën këtë sezon.
“Skuadra është në garë në të gjitha frontet. Duam të fitojmë çdo ndeshje, ky ka qenë mentaliteti ynë prej vitesh, duam të vazhdojmë kështu”, – shtoi argjentinasi, duke e hapur për herë të parë këtë diskutim.
Një ndryshim i madh krahasuar me të kaluarën e afërt, kur askush tek Interi nuk kishte folur kaq hapur për këtë objektiv. Kjo tregon besimin dhe forcën mendore të ekipit të Simone Inzaghit, tani që sezoni po i afrohet fundit.
17 “finalet” e Interit – Për të realizuar këtë ëndërr, Lautaro dhe shokët e tij duhet të përballen me një kalendar të ngjeshur. Më poshtë janë 13 ndeshjet e konfirmuara të Interit (9 në kampionat, 2 në Champions League, 2 në Kupën e Italisë), plus 4 ndeshje të mundshme (3 në Champions dhe finalja e Kupës së Italisë), që e çojnë numrin e sfidave në 17.
Kampionati (Serie A)
Java 30: Inter-Udinese
Java 31: Parma-Inter
Java 32: Inter-Cagliari
Java 33: Bologna-Inter
Java 34: Inter-Roma
Java 35: Inter-Hellas Verona
Java 36: Torino-Inter
Java 37: Inter-Lazio
Java 38: Como-Inter
Champions League
Çerekfinalet
Bayern Munich-Inter (ndeshja e parë)
Inter-Bayern Munich (ndeshja e kthimit)
Nëse kalon më tej, Interi mund të luajë edhe:
Gjysmëfinalja (dy ndeshje të mundshme)
Finalja e Champions League
Kupa e Italisë
Gjysmëfinalet
Milan-Inter (ndeshja e parë)
Inter-Milan (ndeshja e kthimit)
Nëse kalon më tej:
Finalja e Kupës së Italisë
Me këtë kalendar të ngjeshur, Interi ka një rrugë të vështirë, por jo të pamundur për ta arritur tripletën e dytë në historinë e klubit, pas asaj legjendare të vitit 2010 me Jose Mourinho në stol.
