Inter dhe Lazio kanë ndarë nga një pikë në San Siro. Vazhdon periudha e keqe e Zikaltërve teksa nuk kanë arritur sërish të shënojnë një gol të vetëm në portën kundërshtare. Kriza mbase është një fjalë e ekzagjeruar, sidomos pas barazimit me Lazio-n, por në një repart është e sigurt kriza, dhe ai është reparti i sulmit. Lazio ka shpërdoruar raste të pastra për të ndëshkuar vendasit por në fund duhet të kënaqet me një pikë.
Skuadrave u duheshin disa minuta për të hyrë në lojë por ndeshje u bë më e bukur me kalimin e minutave. Mundësinë e parë për gol e kishte Milinkovic-Savic por Handanovic tregohet i gatshëm dhe devijon topin.
Pasi tij ishte Perisic nga Inter por edhe Strakosha në krahun tjetër tregohet i vëmendshëm. Rastet më të mira janë për Lazio-n, me Luis Alberto që godet edhe shtyllën pak përpara se të përfundonte pjesa e parë dhe e njëjta gjë vazhdoi edhe pas pushimit.Inter ka momente të mira, por Lazio kontrollon lojën dhe tregohet më i rrezikshëm sa herë që del përpara por nuk arrin t’i shfrytëzojë rastet e krijuara sidomos me Felipe Anderson. Arbitri akordon edhe një penallti që e anulon VAR. Minutat e fundit kishin emocione, teksa edhe Inter kërkon golin e nokautit por në fund të dyja skuadrat ndajnë nga një pikë.
