Tre lojtarë të Lazio kanë rezultuar sërish pozitiv në testet e fundit për Covid-19. Thomas Strakosha, Ciro Immobile dhe Lucas Leiva janë testuar me coronavirus dhe do duhet të bëjnë karantinë të detyruar deri në testet e radhës.
Ekipi nga kryeqyteti italian rrezikon të përjashtohet pasi ka thyer rregullat e vendosur prej pandemisë.
Edhe më herët tre lojtarët kanë rezultuar pozitiv, ndërsa së fundmi janë aktivizuar në fushë dhe kanë qenë pjesë e stërvitjes. Testet e datës 31 tetor dhe 1 nëntor kanë nxjerrë të pastër, gjë që dyshohet nga Federata për cilësinë e testimit.
Testet e fundit para ndeshjes Champions me Zenitin kanë konfirmuar se të tre lojtarët kanë qenë me virus dhe nuk duhet të luanin, çka edhe ka ndodhur.
Në Itali ka nisur një hetim për sjelljen e Lazios, që tanimë rrezikon shumë. Kështu, tre lojtarët përfhsirë edhe Strakoshën nuk do të jenë për ndeshjen ndaj Juventusit të diel në 12:30./newsport/
