Ka nisur sot në mëngjes në Koverçiano kursi special për trajnerët e rinj, i rezervuar për ish-futbollistët profesionistë.
Janë 10 nxënësit që do të ndjekin 210 orë leksion dhe janë të gjithë emra të mëdhenj, të njohur në futbollin italian dhe jo vetëm.
Në këtë kurs marrin pjesë ish-sulmuesi argjentinas Gabriel Batistuta, si dhe kampionët e botës me Italinë, Andrea Pirlo, Paolo Kanavaro dhe Alberto Xhilardino.
Kursi do të vazhdojë deri më 19 korrik dhe do të jetë një kombinim mes “UEFA B” dhe “UEFA A”.
Me marrjen e licencës, këta trajnerë mund të drejtojnë të gjitha skuadrat e moshave dhe skuadrat e para në Serinë C.
Me licencën UEFA A mund të bësh edhe trajnerin e dytë në dy kategoritë më të larta, në Serinë B dhe në Serinë A.
Ja dhe lista e plotë e kursantëve:
Gabriel Omar Batistuta, Daniele Bonera, Paolo Kanavaro, Zhoze Antonio Shamot, Mateo Kontini, Alberto Xhilardino, Francelino Da Silva Matuzalem, Paolo Montero, Tiago Mota dhe Andrea Pirlo./visport/
