Ajo që ka çuditur në këtë ndeshje tek Vllaznia, kanë qenë katër lëvizjet që ka bërë në formacion trajneri Duro për këtë ndeshje. Mungesa e Shtubinës së dëmtuar, është shoqëruar me uljen në stol të Belishës dhe Seminës ndërkohë që ka përfunduar në tribunë Tafili. Në vend të tyre luajnë Begaj e Nallbani me përvojë dhe çuditërisht për një ndeshje të tillë delikate edhe të rinjtë Dema e Guri. Ata që nuk kanë luajtur nuk kanë marrë vesh fare se çfarë po ndodh por kanë zbatuar vendimet e trajnerit që është justifikuar me faktin se pas humbjes në Durrës duhej ndryshuar diçka. A ishte normale kjo gjë? Eliminimi nga Kupa tregon se gjërat nuk kanë shkuar ashtu siç duhet në këtë ndeshje dhe mbase një arsye janë edhe këto lëvizje në formacion.-Osmani I kërkon trajnerit Duro të zëvendësojë Deliç
Ka qenë minuta e 85-të e ndeshjes. Vllaznia ishte hedhur e tëra në sulm për të shënuar golin e dytë dhe në një moment, Deliç futet në zonë dhe rrëzohet Brenda saj, mesa duket I pafuqishëm për ta çuar deri në fund aksionin. Në atë moment, Osmani bën me shenjë nga pankina duke I kërkuar trajnerit Duro ta zëvendësojë atë por kjo nuk do ndodhte, pavarësisht se Vllaznia kishte mundësi të kryente edhe dy zëvendësime të tjera. Paksa e çuditshme kjo teksa edhe sulmuesi Gjini që qëndroi për disa minuta në nxemje nuk u hodh në fushë.
www.shkodrasport.com
