Sot rikthehen sërish emocionet e Ligës së Kampionëve pas një pushimi dy javor për shkak të angazhimit të Kombëtareve në Ligën e Kombeve. Kështu, kur kanë mbetur edhe pak ndeshje nga përfundimi i fazës në grupe, emocionet sa vijnë e shtohen për tifozët e skuadrave që marrin pjesë.
Dy takimet që hapin mbrëmjen e sotme të Ligës së Kampionëve, janë ato mes AEK-Ajaks dhe CSKA Moskë-Plzen, të cilat do të luhen duke nisur nga ora 18:55.
Në mbrëmje, pritet që në Romë të ketë spektakël në takimin mes Romës dhe Real Madridit, ku të dyja skuadrat do të synojnë të marrin fitore për të blinduar vendin e parë, ndërkohë që përballje interesante do të jetë edhe ajo mes Juventusit dhe Valencias ku Ronaldo do të synojë të marrë hak për atë karton të kuq që mori në ndeshjen e parë.
Mançester Junajtid ka një ndeshje të lehtë në letër ndaj Jang Bojsit në shtëpi, ndërkohë që ndeshje më delikate kanë “kushërinjtë” e Mançester Sitit në transfertë ndaj Lionit. Në “Allianz Arena”, Bajern Mynihu luan ndaj Benfikës, ndërsa Hofenhaimi pret Shakhtarin. /VipSport/
Ndeshjet:
Grupi E
18:55 AEK-Ajaks
21:00 Bajern Mynih-Benfika
Grupi F
21:00 Lion-Mançester Siti
21:00 Hofenhaim-Shakhtar
Grupi G
18:55 CSKA Moskë-Plzen
21:00 Roma-Real Madrid
Grupi H
21:00 Juventus-Valencia
21:00 Mançester Junajtid-Jang Bojs
