Vllaznia do te tentoje neser ne Gjirokaster te marre fitoren ndaj Luftetarit, nje fitore qe ne fakt nuk e arrin prej me shume se 12 vitesh.
Por kapiteni i Vllaznise Gilman Lika, i cili ka qene nje nder protagonistet e atij suksesi te vitit 2007, mendon se statistikat nuk vlejne ne raste te tilla dhe kete e ka deklaruar ne nje prononcim te dhene per gazeten “Panorama Sport” kur eshte shprehur:
“E shkuara i perket historise dhe nuk ndikon ne rezultatet e ketij takimi. Une e mbaj mend fitoren e fundit qe kemi arritur ne Gjirokaster sepse kam qene pjese e ekipit por do te ndalesha tek nje tjeter fitore dhe po e atij sezoni.
Ka qene ndeshja e fazes se dyte (18 nentor 2006) kur patem fituar me shifrat 3-2. Ka qene nje takim shume interesant sepse ne udhehiqnim me rezultatin 2-0 dhe kur menduam se gjithçka u mbyll, Luftetari reagoi dhe barazoi shifrat. Me kujtohet si tani, qe ne limitet e asaj sfide kam shenuar golin e trete, ate te fitores per Vllaznine. E kam perjetuar me shume emocion, pasi kam qene edhe i vogel ne moshe.
Per neser nuk ka shume rendesi nese do te shenoj serish apo jo. Kushdo qe te shenoje, nuk ka problem per mua. E rendesishme eshte qe te fitojme”.
I pyetur per rendesine e takimit te neserm, Lika shton: “Eshte nje takim vendimtar per ne, Te dyja skuadrat kane nevoje per pike. Luftetari do te luaje per gjithçka pasi vendi qe mban ne klasifikim ia ka bere shume te veshtire situaten. Ne nga ana tjeter, do te tentojme fitoren sepse kjo eshte forma e vetme per t’u ngjitur lart dhe per t’u shkeputur nga vendet e fundit.
Ne do te shkojme ne Gjirokaster per te marre maksimumin por fusha do ta tregoje kete. Mendoj se edhe nje pike ne transferte, per me teper si kjo, quhet pozitive, por fitorja do te na jepte siguri per te ardhmen”.
www.shkodrasport.com
