Vllaznia dhe Dinamo do të nisin në orën 19:00, gjysmëfinalen e parë të Kupës së Shqipërisë. Ky duel do të luhet në “Loro Boriçi”.
Tashmë janë publikuar formacionet zyrtare. Bie në sy se Dinamo ka kthyer disa titullarë, që nuk luajtën nga minuta e parë ndaj Skënderbeut si Zabërgja, Nani dhe Qefalija.
LIVE
VLLAZNIA 0-0 DINAMO
NGJARJET KRYESORE
45′ Akordohet 1 minutë shtesë.
45′ Dinamo tregohet disi më kërkuese, por mungon konkretizimi.
39’- Bën të pabesueshmen Zabërgja, një top i dhuruar nga mesfusha shkodrane nxjerr të vetëm sulmuesin me Jukajn. Me portën thuajse të boshatisur, ai humbet një rast të artë. Më të mirin e pjesës së parë për të dy skuadrat.
38′ Goditja e Karambës nga jashtë zone përfundon jashtë.
34′ Skuadrat vazhdojnë të jenë të kujdesshme, ndërsa mungon kreativiteti.
27′ Goditja e Jagos përfundon mbi kuadratin e portës së mbrojtur nga Teqja. Mbrojtësi i Vllaznisë provoi direkt nga goditja e dënimit. (VIDEO)
23′ Qefalija shpërdoron një goditje dënimi për Dinamon duke e dërguar topin drejt e në duart e portierit Jukaj. (VIDEO)
19′ Vila ndalet nga Jukaj, pasi tentoi golin me finte. Në fund anësori sinjalizon për pozicion jashtë loje. (VIDEO)
18′ Dodaj shkëputet si duhet në krahun e majtë të sulmit dhe vendos të hedhë topin në zonë. Karamba mbyll gjithçka.
15′ Asnjë tentativë drejt portës në minutat e para. Dinamo përpiqet të ketë kontrollin e topit.
10′ Meksi hedh një krosim të rrezikshëm në zonën e Vllaznisë. Vila nuk e mbërrin dhe topi përfundon jashtë. (VIDEO)
6′ Gurishta hedh një pasim për Malën, por është Rufati që mbyll hapësirat dhe topi përfundon në fundore.
1′ Nis ndeshja në “Loro Boriçi”.
