Pa asnjë mëdyshje, mesfushori rumun i Vllaznisë, Dani Dragoi, është një ndër lojtarët më të mirë të Vllaznisë. Me një gol të bukur të shënuar ndaj Laçit, ai vërtetoi dhe njëherë se është pjesë shumë e rëndësihme për formacionin e kuqebluve dhe i pazëvendësueshëm për pozicionin e tij. Ndonëse ka luajtur i dëmtuar, Dragoi arriti të jepte maksimumin e tij. Duke komentuar pikërisht sakrificën e tij shëndetësore, Dragoi shprehet: “Dua të them se kam patur dëmtim në shpatull, por falënderoj stafin mjeksor që bëri të pamundurën që unë të jem në fushën e lojës.
Jam i kënaqur që edhe ia justifikova atë punë të madhe të tyre. Na duhej një fitore e tillë në këtë situatë dhe për më tepër që skuadra po kalon një periudhë të mirë. Megjithatë, duhet të them se nuk duhet të ngutemi dhe të shikojmë shumë larg, pa arritur që të bindim në të gjitha drejtimet. Kemi fituar vetëm një tripikësh, që duhej fituar”. Deri tani, Dragoi ka arritur në kuotën e 3 golave.
Anton ZALLI
Dragoi ne momentin e shenimit te golit ndaj Laçit
Foto: Gjon Gjeka
