Nesër, Vllaznia U-19 do të luajë kundër Astanës, ndeshje e vlefshme për UEFA Youth League. Kjo është sfida e kthimit për shkodranët, pasi e para ka përfunduar me rezultatin 3-1 në favor të kazakëve.
Skuadra e drejtuar nga trajneri Luan Zmijani ka dalë në konferencë për shtyp një ditë para takimit, ku ka kërkuar mbështetje maksimale nga tifozët në mënyrë që të arrijnë te përmbysja e madhe.
“Nëse ne do të kemi mbështetje të madhe të publikut, atëherë do të jetë një ‘armë’ më tepër për ne që të arrijmë objektivin.
Ata djem kanë nevojë më shumë se kurrë për mbështetjen e tifozerisë së zjarrtë shkodrane, që me thënë të drejtën po mungon në shkallët e stadiumit.
Ndeshja e kaluar ka pasur tablo të ndryshme. E nisëm me një goditje të shpejtë, një penallti shumë e diskutueshme. Më pas goditëm shtyllën dhe ishte një mundësi për të barazuar.
Më pas situata mund të ishte ndryshe për ne. Gjithsesi është ai i ligji i pashkruar në futboll, që nëse nuk shënon do e pësosh. Pësuam edhe golin e dytë më pas.
Djemtë munden të bëjnë diçka më ndryshe. Pësuam edhe golin e tretë dhe menduam se gjithçka përfundoi. Pastaj na erdhi edhe dëmtimi më i madh, pasi u ndëshkuam me karton të kuq.
Por djemtë treguar ata që nuk dorëzohen dhe me një lojtar më pak arritën të shënonin. Ju e dini se goli në fushë kundërshtare është i barasvlershëm me dy.
Na ka dhënë më shumë mundësi, por gjendja e mirë e portierit Qarri na ka shpëtuar nga goli disa herë. Mund të mbyllej 3-3, por mund të humbnim edhe më thellë“, ka përfunduar ai.
