Vllaznia do te luaje te henen ndaj Dinamos ndeshjen e rradhes per kampionat ku padyshim qe objektivi do te jete rikthimi tek fitorja. Për Luan Zmijanin, ish-futbollistin kuqeblu qe sot eshte trajner me moshat, skuadra shkodrane i ka të gjitha mundësitë të rikthehen te fitorja, duke lënë pas humbjen e së mërkurës për Kupën e Shqipërisë. Nje deklarate te tille ai e ka bere ne nje interviste qe ka dhene per RTSH Shkodra.
“Edhe ndaj Erzenit ne ate humbje 1-2 per kupe, me duhet te them se skuadra nuk shkoi keq dhe nuk eshte se nuk dha maksimumin ne kete ndeshje. Dy episode ishin ata qe vendosen per ate rezultat. Megjithate ky rezultat nuk eshte perfundimtar sepse eshte edhe ndeshja e kthimit.
Gjithçka do te vendoset ne “Loro Boriçi”. Vllaznia e ka gjendjen, i ka mundesite per me dasht me e rikuperu ate rezultat te ndeshjes se pare dhe me u kualifikua per ne turin tjeter.
Sa i takon ndeshjes se kampionatit ndaj Dinamos, kam shume besim se Vllaznia do te rikthehet tek fitorja. Rezultatet e saj te fundit me 8 fitore dhe 2 barazime flasin vete, por gjithsesi duhet patur kujdes. Edhe kundershtari ka vetem rezultate pozitive ne ndeshjet e fundit”./SHKODRA-SPORT.COM/
