Llogaria është për 18.6 milionë euro. Marselo Bielsa, i shkarkuar nga drejtimi i Lilës nëntorin e vitit të kaluar, pretendon këtë shifër nga klubi francez në bazë të kontratës që kishte me të, që skadon në 2019-ën.
Një goditje e fortë për klubin francez, që ka si pronar biznesmenin nga Luksemburgu, Gerard Lopez. Lila ka vështirësia aktualisht edhe në planin sportiv.
Tashmë është luftë totale me trajnerin argjentinas, i cili jo më kot është pagëzuar me nofkën “I çmenduri”. Përplasjet, sipas “l’Equipe”, kanë nxjerrë edhe një anomali në kontratën mes palëve.
Kontrata e firmosur në shkurt të 2017-ës nga trajneri argjentinas ndryshon me dokumentin e depozituar në zyrat e federatës në qershor. Bëhet fjalë për disa klauzola të kontratës, ku parashikohen edhe shifrat në rast të prishjes së kontratës.
Tani u takon organeve kompetente në Francë të vendosin. Bielsa ka pasur një rrogë prej 560 mijë eurosh në muaj, si dhe një bonus prej 5 mijë eurosh për çdo fitore. Nëse Lila do të shkonte në Champios, ai do të fitonte 100 mijë euro, por skuadra precipitoi në vend të 19-të. /Vipsport/
