I ftuar në studion e Star Sport mbrëmjen e kaluar ishte edhe analisti i futbollit, Fatmi Lugji. Ish-mbrojtësi i Vllaznisë foli për situatën tek kuqeblutë duke u ndalur edhe tek disa problematika që shikon sipas tij.
Lugji tha: “Vllaznia po ecën mirë në javët e fundit dhe për këtë jam i lumtur. Ekipi ka gjetur veten dhe po i përgjigjet Brdariç. Tek ky ekip shoh 3 pika të forta. Që janë tifozeria e zjarrtë që ndoshta s’ka qenë aq e shumtë, por ka dhënë mbështetjen e duhur.
Po ashtu trajneri dhe grupi i lojtarëve janë pika të forta. Ku çalon ekipi? Pika numër një është infrastruktura. Një skuadër si Vllaznia që ka pretendime të larta nuk mund të ketë problematika të tilla.
Duhet zgjidhur menjëherë kjo situatë. Po ashtu aktivizimi i të rinjve mungon. Kemi rastin Çoba që i duhet dhënë mundësia akoma më tepër. Jo vetëm atij, por gjithë të rinjve kush e meriton.
Vllaznia kundër Dinamos ? Besoj se do vijojë ecuria e mirë e skuadrës edhe në ndeshjen e rradhës. Pra Vllaznia fiton”.
Endri ÇINARI
