Mauro Ikardi i ka prishur marrëdhëniet me Interin. Situata u duke se do të merrte zgjidhje me daljen e tij në stërvitje, por trajneri Spaleti e la jashtë skuadre edhe me Lacion. Shumë e vështirë që mes palëve të kthehet harmonia si më parë dhe ndarja duket gjithmonë e më pranë.
Nga kjo situatë po përpiqet të përfitojë Mançester Junajtid. Sipas “The Sun”, Mançester Junajtid, por edhe Çelsi janë hedhur në sulm për të rrëmbyer sulmuesin argjentinas.
Problemi për Çelsin është se i është bllokuar merkatoja në hyrje nga FIFA, ndërsa “Djajtë e kuq” janë gati të shfrytëzojnë situatën e Ikardit tek Interi për ta marrë sulmuesin në Angli.
Për Ikardin ka pasur interesim edhe nga Reali e Juventusit, ndaj dhe e ardhmja e tij duket një rebus. Mançesteri e ka seriozisht dhe nuk është aspak çudi, nëse argjentinasi zgjedh këtë ekip për të ardhmen. /Vipsport/
