Manchester United po planifikon transferimin e verës, teksa ka nisur që tani strategjia e “Djajve të Kuq” për të siguruar mesfushorin kilen të Bayern Munich, Arturo Vidal.
Trajneri i United, Jose Mourinho është i shqetësuar për shkak të mungesës së alternativave në qendër të mesfushës dhe sipas “Manchester Evening News” ka emëruar Vidal si të përzgjedhurin e tij për të përforcuar skuadrën.
Vidal është nën kontratë me klubin bavarez deri në vitin 2019, por klubi nga “Old Trafford” është besimplotë se mund ta joshë kilenin dhe të paguajë blerjen e tij një vit para skadimit të kontratës.
Një marrëveshje edhe më e arritshme pasi klubi gjerman ka blerë Leon Goretska.
Te Manchester United mund të ketë një rotacion të plotë në mesfushë, pasi janë disa futbollistët me të ardhme të pasigurtë nën drejtimin e Mourinho.
Michael Carrick ka vuajtur shqetësime me zemrën, Marouane Fellaini nuk ka nënshkruar një marrëveshje të re, ndërsa edhe Ander Herrera është përfolur për një largim.
Me Mourinho që shpenzoi £89 milionë për Paul Pogba dhe £40 milionë për Nemanja Matic, Vidal do të ishte një tjetër profil madhor në mesfushën e “Djajve të Kuq”.
Në moshën 30-vjeçare, Vidal nuk mund të kërkojë një tarifë astronomike dhe padyshim që bashkëkombasi i tij, Alexis Sanchez do ta mirëpriste me krahët hapur. Vetë trajneri i Bayern Munich, Jupp Heynckes tha se e ardhmja e Vidal do të vendoset në verë./telesport/
