Maqedonia e Veriut nuk ia ka dalë që të bëjë hapin e fundit dhe të ngjitet në Ligën B në Ligën e Kombeve. Skuadra e Angelovskit, pak ditë pasi ka siguruar biletën për në Europian, nuk ka përsëritur mrekullinë, duke u mundur nga Armenia me rezultatin 1-0 dhe duke u lëshuar pikërisht armenëve vendin e pare në grup.
Ekipi armen, i drejtuar nga spanjolli Hoakin Kaparros, ia ka dalë të triumfojë 1-0 falë golit të shënuar nga Hambardzumian në minutën e 55 të sfidës dhe i ka mjaftuar për të siguruar pikët që e lejonin të kapërcente Maqedoninë e Veriut. Kjo e fundit kishte qenë e pathyer në këtë edicion të Ligës së Kombeve por nuk ia ka dalë që të mbyllte me sukses edhe sfidën e fundit e kësisoj nuk ka arritur objektivin që i kishte vënë vetes.
Megjithatë, Maqedonia e Veriut, shkonte në këtë sfidë me shumë mungesa të mëdha mes ttitullarëve të zakonshëm, aq sa në fushën e lojës sot ka luajtur edhe Tome Kitanovski, mbrojtësi i cili vitin e kaluar për pak kohë ishte pjesë e skuadrës së Kukësit. /vipsport/
