Chelsea është gati të ulet në bisedime me Manchester City në rast se “qytetarët” do të kërkojnë mesfushorin belg Eden Hazard, por vetëm me një kusht, që në këmbim të marrin sulmuesin argjentinas Sergio Aguero.
Lajmin e ka konfirmuar e përditshmja britanike “The Mirror”, që shprehet se kryesuesit e Premier League janë gati të shpenzojnë 150 milionë stërlina për të bërë një blerje “big” dhe në krye të listës është Hazard, 27 vjeç.
Një shkëmbim që mund të realizohet verën e ardhshme. Por kampionët e Anglisë nuk kanë ndërmend të heqin dorë kollaj nga mesfushori dhe kërkojnë që të sjellin në Londër sulmuesin Aguero, duke parë vështirësitë që kanë në këtë repart.
Si Aguero ashtu dhe Hazard u skadon kontrata në verën e 2019-ës, ndaj kjo marrëveshje mund të realizohet.
Hazard ka tërhequr vëmendjen e skuadrave më të mira në Europë, pasi edhe Real Madrid është gati të ofrojë një shumë marramendëse për lojtarin belg (100 milionë euro), duke futur në bisedime edhe Gareth Bale./telesport/
