Pasditen e djeshme nëpër portale të ndryshme ka qarkulluar lajmi se gjoja kroati Pero Pejiç është parë në Shkodër në ambjentet e hotel “Colosseo” dhe kjo krijoi idenë e kontakteve të mundshme të tij me drejtues të Vllaznisë në mënyrë që ai të bashkohet me këtë skuadër për pjesën e mbetur të sezonit. Por në fakt, një lajm i tillë rezulton krejtësisht i pavërtetë. Për më tepër që sulmuesi i njohur nuk mundet të firmosë me asnjë skuadër tjetër këtë sezon.
Kroati ka nisur sezonin me Kukësin, për tu larguar mbas ndeshjeve europiane. Pejiç luajti në ndeshjet e “Champions” kundër Sherifit të Moldavisë. Një penallti e humbur dhe në Kukës gjeten “fajtorin” e eleminimit. Pejiç u largua, siç largohet dhe vjen gjithmonë. Kroati zgjodhi shtëpine e tij dhe firmosi me Slaven Belupo. Pavarësisht ofertave, sulmuesi nuk mund të lëvizë deri në fundin e sezonit. Për faktin e thjeshtë sepse FIFA nuk lejon që një futbollist mund të aktivizohet me më shumë se dy ekipe gjatë një sezoni sportiv. Pra Pejiç, ka plotësuar numrin. Kukësi dhe Slaven Belupo.Vllaznia dhe ndonjë ekip tjetër duhet të ndryshojnë objektiv. Pero nuk mund të lëvizë pa përfunduar sezoni.
www.shkodrasport.com
