Trajneri i Tiranës, Edi Martini, deklaron se skuadra e tij i ka bërë nder vetëm vetes dhe askujt tjetër, edhe pse shumëkush e sheh si një nder ndaj kampionatit duke ndalur kryesuesit. Pas sfidës ai theksoi se ekipi kishte qenë i përgatitur për të mundur bardheblutë pasi i kishet “zbërthyer” mirë në lojën e tyre.
“Ndeshje të tilla të mobilizojnë në maksimumin e mundshëm. E kishim studiuar Tiranën, mënyrën se si luan, kërkonim të bënim presing ofensiv se ata po morën topin e zotërojnë fushën, është e vështirë t’i ndalësh. Dua të falënderoj djemtë se dhanë shprtin në fushë dhe gjithçka, është ndeshja e tyre.
Nuk kemi ndryshuar asgjë, kemi kërkuar të jemi më tepër pragmatistë, të marrim pikët se ato vendosin, çdo ndeshje gabim, çdo pikë e lëshuar është në disfavor. Duam Europën dhe kemi kërkuar edhe në Laç të fitojmë sfidën, ndeshja e Ballshit nuk e meritonim fitoren, por as të mundeshim. Sot duhej të jepnim gjithçka për gjithçka, e dinim kë kishim përballë. Djemtë treguan se janë ekip i mirë dhe mjaft i fortë.
Di të them se dhe Tirana kur na mundi 2-1 një fazë më parë, kemi kaluar në avantazh të parët, jemi dënuar nga një gabim, kemi marrë një të kuq e kemi luajtur për 70 minuta me një lojtar më pak. Unë pavarësisht cilësisë që ka Tirana, kisha një besim, e kishim të gjithë që do ia dilnim.
Ne nuk duhet të shohim në këto momente kush shënon gol, duhet të luajmë bashkë. forca e Teutës është grupi, lufton si i vetmëe e arrijmë të shënojmë në çdo ndeshje. Duhet kohë, duhet qetësi, nuk është koha të shohim kush do të shënojë, por duhet të fitojmë.
Ne i kemi bërë nder qytetit tonë, ekipit tonë, i kemi bërë nder vetes. Ne nuk i kemi bërë nder askujt, do të luftojmë deri në fund se objektivat janë të qarta. Të them të drejtën kisha frikë anën fizike se Tirana kishte bërë ndeshje të lehta, kurse ne tre finale. Ngarkesa fizike ka qenë pak e lartë. I kemi bërë një nder qytetit të Durrësit.
Ne kemi në Gjirokastër një ndeshje të lehtë por ne jemi djegur më përpara nga këto dhe do të punojmë gjithë javën për të, të jemi sa më të qetë dhe të futim shpritin e garës në lojë dhe të fitojmë edhe në Gjirokastër.
Edhe të ndërrimet kërkuam të sulmonim lart e të mos linim topa në zonë, se kanë pikë të fortë lojën në ajër. Djemtë kanë notën maksimale për përkushtim.
Vila ishte zgjedhje e sforcuar, por me dy lojtarë të dëmtuar ishim të detyruar ta kalonimaapra. Avdyli nuk kishte gjendjen fizike se erdhi i fundit kur rifilloi kampionati”, tha Martini. /vipsport/
