Kuqeblutë kanë bërë mirë në fazën e tretë të kampionatit dhe nëse vazhdojnë kështu, padyshim që do arrijnë objektivin që kanë.
Edi Martini ish-sulmuesi I mirënjohur shkodranë dhe njëherash ish-tekniku I kesaj skuadre e shikon fazën e katërt për ekipin shkodran si shumë pozitive.
Fitorja e arritur ndaj Skënderbeut sipas tij, ka rritur ndjeshëm moralin në kampin shkodranë.
Javët e mbetura janë të gjitha finale për kuqeblutë, për të arritur drejt objektivit mbijetesë.
“Fitorja e arritur ndaj Skënderbeut ka mbërritur në momentin e duhur. Mendoj se Vllaznia përveç tre pikëve ka marrë edhe një rritje morale pas kësaj fitoreje.
Në fushën e vet skuadra duhet të që të bëjë në maksimumin detyrën ndërsa pse jo edhe të kërkojë pikët në transfertë.
Fitorja e arritur ndaj Skënderbeut duket se ka ngrohur atmosferën në skuadër, duke bërë këto djem që të besojnë në këmbët e tyre.
Kjo fitore është një shtysë e mirë për takimet e mbetura deri në fund të sezonit,”- u shprehur Martini per “Panorama Sport”.
Konkurrenca
Ndërsa Martini ka folur edhe për “luftën” e fortë që do të bëhet ndër skuadrat e fundit për të siguruar mbijetesën.
Ai përherë ka qenë I mendimit se përveç dyshesh Vllaznia e Teuta një tjetër skuadër do të përfshihet, në vorbullën mbijetesë.
Përveç Kamzës që tani mund të quhet e rrezikuar, Martini ka përfshirë në luftën për mbijetesë edhe ekipin e Flamurtarit.
“Nuk mund të thuhet se tanimë jannë vetëm teuta e Vllaznia në luftë për mbijetesë.
Për Teutën e kam theksuar se është një skuadër që pavarësisht pozicionit, do të gjejë forcat për të dalë nga kjo situatë, por edhe Vllaznia asnjëherë nuk e kam menduar se mund të bjerë.
Ashtu siç ndoshta edhe kisha parashikuar pas humbjes me Partinin edhe Kamza ndjehet e rrezikuar seriozisht tanimë.
Por nga ana tjetër nuk përjashtohet mundësia që të jetë edhe ndonjë skuadër tjetër që mund të përfshihet në këtë “vorbull”.
Unë e shikoj edhje Flamurtarin një nga skuadrat që mund të përfshihet në këtë luftë, gjithmonë nëse vazhdon me këto rezultate.
Brumi I lojtarëve që ka në dispozicion dhe niveli I lojërave që ka paraqitur nuk ta lejon një gjë të tillë, por paraqitjet e fundit që ka bërë, të bën ta mendosh edhe këtë skuadër në këtë grup prej tre ekipesh.
Gjithsesi them deri në fund treshja Kamza, Teuta e Vllaznia do të diskutojnë mbijetesën”- vijon Martini.
Lushnja
Në fund të fjalës së tij Edi Martini ka dhënë edhe mendimin e tij për takimin me Lushnjën.
Ashtu si edhe lojtarët dhe vetë drejtuesit e klubit edhe Martini ka kërkuar një seriozitet dhe një vlerësim të drejtë të kësaj përballje.
“Nuk duhet që të thuhet se Lushnjen e kalojmë lehtë. Jo rrallë herë por shpesh herë madje edhe në kohërat tona më të mira, nënvlerësimet e ekipeve të vogla na kanë dëmtuar rëndë.
Vjet patëm rastin e freskët të Korabit. Barazimi na çoi të diskutonim mbijetesën deri në takimin e fundit.
Por edhe më heret kemi lënë edhe tituj prej nënvlerësimeve të bëra. Prandaj do të apeloja që të gjithë ta vlerësojnë drejt këtë takim.
Nuk ka ekipe të vogla, pavarësisht se në çfarë pozitash janë. Unë nuk doja që të vihet në dyshim asnjë rezultat tjetër veç fitores pasi për ne nuk ka vlerë, por kjo do të kërkojë një përkushtim maksimal ashtu si në përballjet me skuadrat elitare”.
© shkodrasport.com
