Prej disa vitesh, por sidomos ne keto dy te fundit, Vllaznia e femrave ka bere buje me paraqitjet e saj ne Ligen e Kampioneve te Europes duke kaluar edhe ture.
Emrat e presidentit Lazer Matija, trajnerit Nikolin Leka, futbollisteve Megi Doçi, Luçije Gjini, Esmeralda Franja, Arbiona Bajraktari, Albina Rrahmani, Sara Maliqi etj, tashme jane prezent gjithnje e me shume edhe ne media.
Por ne fakt ka nje emer qe ka nje merite dhe kontribut te jashtezakonshem ne kete ecuri te ketij ekipi. Ajo eshte menaxherja e ekipit Matilda Matija.
Ne fakt nuk ka thjesht emrin “menaxhere” ne dokumentacion por e tille eshte edhe ne kontributin e saj tek ky ekip.
E kemi fjalen per menyren e saj te punes dhe mbarevajtjes se punes ne te gjithe aspektin organizativ te Vllaznise se femrave.
E vetme, ajo ka mbyllur te gjithe procesin e liçensimit per ne UEFA, e vetme ka marre persiper gjithe organizimin e ndeshjes se Liges se Kampioneve te Europes ndaj kampiones turke ALG Spor Kulubu.
Dhe ne fakt nuk eshte e lehte te organizosh nje ndeshje te tille. Mjafton te jesh prezent ne nje takim te ekipeve kombetare shqiptare dhe ne stadiumin ku luhet ndeshja, sheh nje mori njerezish te angazhuar dhe shpeshhere konstaton edhe konfuzion ne veprim.
Por te marten çdo gje ka qene perfekt ne organizim dhe kjo fale Matildes. Aq sa edhe delegatja e UEFA-s i ka bere pergezimet e duhura per gjithçka qe ajo ka bere per mbarevajtjen e ndeshjes.
Matilda Matija eshte nje shembull per t’u ndjekur nga te gjithe klubet e meshkujve te cilet ne kompeticione te tilla kane hasur jo pak probleme dhe madje kane marre edhe ndeshkime nga UEFA per parregullsi ne protokollin e organizimit te ndeshjeve.
Por tek Vllaznia e femrave çdo gje ka qene ne vendin e vet dhe per me teper, ndeshja eshte zhvilluar ne kushte te rrepta si rrjedhoje e situates se krijuar nga pandemia.
E nese Vllaznia e fushes po tregohet perfekte, e tille eshte edhe jashte saj dhe meriten e padiskutueshme per kete e ka edhe Matilda, vajza e presidentit qe pasditen e se martes ka derdhur edhe shume lot gezimi nga emocionet dhe suksesi qe kane dhuruar vajzat ne fushen e lojes./SHKODRA-SPORT.COM/
