Për gati dy vite punoi në Shkodër përkrah Armando Cungu tek Vllaznia ndërkohë që pas largimit të këtij të fundit, u largua edhe ai. Malazezi Aleksandar Maxhar megjithatë nuk ka qëndruar gjatë pushim. Siç ka publikuar edhe vetë një video në “instagram”, ai ka nisur menjëherë punën me një ekip moshash në Tivar të Malit të Zi, qytet ku jeton bashkë me familjen e tij.
Kjo mund të jetë një punë momentale për të sepse me shumë mundësi, shumë shpejt ai do të atashohet në ndonjë skuadër të parë. Të mos harrojmë se pak muaj më parë ai mori edhe liçensën “UEFA PRO” në Tiranë dhe tashmë dijet e përfituar nga karriera e tij shumëvjeçare si futbollist por edhe përvoja në Shkodër, mund ta ndihmojnë atë të drejtojë një ekip, pse jo të Superligës malazeze.
© shkodrasport.com
