Kapiteni i Francës, Kilië Mbape do të udhëheqë skuadrën e tij përballë Holandës i maskuar, pasi ai theu hundën në sfidën ndaj Austrisë.
Sulmuesi i ri i Real Madridit, i cili u lëndua në një përplasje me Kevin Danson e Austrisë, kërkoi ndihmë për të gjetur një maskë mbrojtëse në mënyrë që të mund të paraqitet kundër holandezëve sot në 21:00, në kuadër të Grupit D.
“Gjithçka po shkon në drejtimin e duhur pas kësaj tronditjeje të madhe që ai pati me lëndimin”, tha trajneri Deshamps para gazetarëve të enjten.
“Siç e keni parë, ka mundur të dilte dhe të stërvitej. Pra, është në rrugën e duhur për të siguruar që të jetë i aftë të luajë ndaj Holandës”.
Mbape provoi maskën të enjten për herë të parë.
“Kilië Mbape do të mbajë një maskë, por nuk keni nevojë të dini detajet rreth kësaj maske”, është shprehur Deschamps.
Në konferencë me Deschampsin u paraqit edhe sulmuesi Antuan Grizman.
“Kyliani është duke përparuar. Ënjtja i është hequr nga hunda. Do të shohim vendimin, në varësi sesi ai do ndihet”, ka thënë Grizman.
