Kilian Mbape ka qenë një ndër më të lumturit pasi Real Madrid fitoi Superkupën e Europës përballë Atalantës. Ai shënoi golin e rezultatit 2-0 dhe e sheh këtë si një hap të rëndësishëm të parë të skuadrës në sezonin e ri.
“Ishte një natë e madhe, e kam pritur këtë moment për një kohë të gjatë, të luaj me këtë fanellë, me këtë stemë, për këta tifozë. Është një moment i madh për mua, dhe ne fituam një trofe që është i rëndësishëm, te Reali gjithmonë duhet të fitosh. Unë jam shumë i lumtur, Dhe me golin gjithashtu. Jam i sigurt se është e rëndësishme për një sulmues si unë. Por gjëja më e rëndësishme, ishte kënaqësia që të luaja me këtë skuadër. Po pres me padurim të vazhdojmë kështu, ishte një ditë e madhe.
Ne kemi lojtarët më të mirë në çdo pozicion, jam shumë i lumtur me ekipin që kemi, Ne do të përmirësohemi, unë jam i pari që duhet ta bëj. Sot ishte një hap pozictiv.
Sa gola mund të shënoj në sezon? Ne jemi Real Madrid, nuk kemi limit. Nëse do të jenë 50, atëherë do të jenë 50. Gjëja më e rëndësishme është të fitojmë dhe përmirësohemi si skuadër., Kjo është mënyra se si do të fitojmë”, tha Mbape pas ndeshjes..
