Ka firmosur pak ditë më parë për vllazninë ndërkohë që sot ka mbërritur në Shkodër volejbollisti bjellorus Yauheni Misiyuk. Ai është blerja e parë e kuqebluve në merkato dhe pritet t’i ndihmojë ato në rrugëtimin e tyre për fitimin e trofeve të këtij sezoni.
Ka qenë punonjësi i Sportklub Vllaznia Fejzi Bari ai që ka postuar pak minuta më parë një foto me të duke treguar se ai tashmë ka mbërritur në Shkodër. Misiyuk është 29 vjeç dhe ka një përvojë të madhe, është i gjatë 1.99 m dhe luan në pozicionin diagonal.
Përveçse në Bjellorusi, ka luajtur edhe në Rusi e Lituani, ndërkohë që përvoja e tanishme në Shqipëri do të jetë e treta jashtë vendit të tij. Trajneri i Vllazisë Ermal Kraja beson shumë se skuadra do të përfitojë nga përvoja dhe eksperienca e Misiyuk.
Ekipi ndodhet në prag të nisjes së gjysmës së dytë të kampionatit dhe ndeshjeve të turit final të Kupës së Shqipërisë dhe padyshim që do të tentojë fitimin e të dy këtyre trofeve.
Drejtuesit kuqeblu po shohin mundësinë e marrjes edhe të një lojtari tjetër por deri më tani ende nuk ka gjë konkrete. I vetmi qe ka ardhur eshte bjellorusi Misiyuk.
© shkodrasport.com
