Drejtuesit e Vllaznisë i kanë bërë thirrje prej ditësh sportdashësve shkodranë për të qenë të pranishëm në stadiumin “Loro Boriçi” për të mbështetur të rinjtë kuqeblu në përpjekjet e tyre për kalimin në turin e dytë të “Uefa Youth League”.
Por ata që nuk do kenë mundësi të jenë në stadium, kanë një alternativë tjetër për të ndjekur këtë takim. Atë ua mundëson Radio Televizionin Publik Shqiptar i cili do ta transmetojë “live” këtë takim nga Shkodra.
Një gjë e tillë ka ndodhur edhe vitin e kaluar dhe po ndodh edhe këtë vit duke treguar edhe njëherë tjetër se ky televizion po afrohet gjithnjë e më shumë me publikun sportdashës shqiptar, me transmetimin e ndeshjeve të tilla.
