Lufta për mbijetesën në Kategorinë Superiore mund të vendoset nga golavarazhi i skuadrave që janë përfshirë në këtë luftë: Kamza, Teuta dhe Vllaznia.
Në eventualitetin ku të tre skuadrat të mbyllin me pikë të barabarta sezonin, atëherë do të jetë Vllaznia që bie, pasi ka regjistruar më pak pikë në përballjet direkte në krahasim me dy kundërshtarët e tjerë.
Por në rast se vetëm 2 nga këto skuadra janë me pikë të barabarta, në disa raste faktor do të bëhet pikërisht golavarazhi i përgjithshëm.
VIP Sport ju tregon më poshtë variantet me të cilat përballen ekipet e ndryshme në garë:
BARAZIM PIKËSH MES TEUTËS DHE VLLAZNISË
Në këtë rast, bie skuadra shkodrane duke marrë kriterin e parë të rregullores, atë të pikëve në duelet direkte.
Teuta ka fituar 3 nga katër ndeshjet e këtij sezoni ndaj Vllaznisë, e kësisoj do të renditet sipër shkodranëve në rast barazie pikësh në fund të kampionatit.
BARAZIM PIKËSH MES TEUTËS DHE KAMZËS
Të dy skuadrat kanë nga një fitore ndaj njëra-tjetrës në këtë sezon dhe dy ndeshje janë mbyllur në barazim.
Golavarazhi i përgjithshëm mes tyre, që do të ishte kriteri i dytë i rregullores, është 6-6, ndaj në fuqi hyn kriteri i tretë, ai i golavarazhit të përgjithshëm në kampionat.
Sipas renditjes aktuale, Kamza do të ishte e mbijetuara, pasi ka një golavarazh -5 (34-39), ndërsa Teuta është -7 (44-51).
BARAZIM PIKËSH MES KAMZËS DHE VLLAZNISË
Të dy skuadrat kanë nga një fitore ndaj njëra-tjetrës në këtë sezon dhe dy ndeshje janë mbyllur në barazim.
Golavarazhi i përgjithshëm mes tyre, që do të ishte kriteri i dytë i rregullores, është 3-3, ndaj në fuqi hyn kriteri i tretë, ai i golavarazhit të përgjithshëm në kampionat.
Sipas renditjes aktuale, Kamza do të ishte e mbijetuara, pasi ka një golavarazh -5 (34-39), ndërsa Vllaznia është -7 (31-38). /vipsport/
