Vllaznia është duke kaluar një situatë jo të mirë këtë sezon, ndërsa pozitat në tabelën e klasifikimit nuk janë aspak komode.
Shkodranët do të udhëtojnë drejt Gjirokastrës për javën e 32, ku përballë do të gjejnë Luftëtarin. Sfida e së dielës në orën 17:45 nuk vjen pa probleme për shkodranët, që do të kenë katër mungesa.
Hygor dhe Ramadani kanë disa javë që nuk janë gati për trajnerin Dedja, ndërsa shqetësuese është gjendja e mbrojtësit Gligorov. Mesfushori Ardit Krymi është mungesë e sigurt prej kartonave të verdhë, ndërsa Hysen Dedja duhet të bëjë edhe me problemet fizike.
Maqedonasi Gligorov duket se i ka javët e fundit me Vllazninë, me mbrojtësin që nuk ka treguar një formë të mirë dhe pritet të largohet nga Shkodra./newsport/
