Me fitoren e thellë 5-0 është mbyllur ndeshja e kampionatit të 19 vjeçarëve në mes Vllaznisë dhe Akademisë së Futbollit.
Ajo është luajtur mesditën e sotme në fushën sportive “Reshit Rusi”. Të pesë golat e kësaj ndeshje janë shënuar që në pjesën e parë.
Rezultati është zhbllokuar që në minutën e dytë kur ka shënuar Fikaj ndërsa më pas kanë shënuar edhe Gruda, Qardaku dhe Lisaj dy herë.
Në pjesën e dytë, futbollistët shkodranë e kthyen më tepër në një seancë stërvitore sepse fati i kësaj ndeshje tashmë ishte vendosur.
Me këtë fitore, Vllaznia U-19 vazhdon të ndjekë hapin e dy ekipeve të para, Shkëndisë dhe Partizanit dhe padyshim që në javët e ardhshme pritet një rivalitet i fortë mes tyre.
Javën e ardhshme, kuqeblutë do presin në Shkodër skuadrën e kuqe.
© shkodrasport.com
