Ashtu siç ishte paralajmëruar një javë më parë, Vedat Muriqi është shpallur “Lojtari më i mirë i Kosovës për vitin 2019”.
Në ceremoninë e cila po zhvillohet në Prishtinë, sulmuesi i Kosovës dhe Fenerbahçes fitoi në mënyrë të padiskutueshme vlerësimin si futbollisti më i spikatur i Kosovës për vitin 2019.
Falë golave të shumtë, adrenalinës në fushë, kurajos së fortë, Muriqi arriti të mposhtte Milot Rashicën e Verder Bremenit, i cili po ashtu ka patur një vit të mrekullueshëm.
Në këtë pjesë të parë të sezonit, 25-vjeçari ka realizuar me Fenerbahçen 10 gola në 15 ndeshje, kurse me Kosovën 4 gola nq 6 ndeshje kualifikuese të EURO 2020. Muriqi ka ngjallur interesin e disa prej klubeve më të mëdha të Europës, si: Atletiko Madridi, Totenham etj.
