Mesfushori i Kombëtares, Ylber Ramadani, bëri një hap të rëndësishëm në karrierë pak ditë më parë, teksa u transferua nga skuadra e Aberdin, drejt Leçes në Serinë A italiane.
Ndërkohë ditën e sotme, shqiptari u gradua titullar, në duelin miqësor ndaj Kadizit, që militon në La Liga. Ramadani mbante numrin 34 në fanellë, teksa qëndroi në fushë 76 minuta, teksa më pas i la vendin Blinit.
27-vjeçari bëri një paraqitje të kënaqshme, teksa shpreson që gradualisht të fitojë besimin e trajnerit edhe në ndeshjet zyrtare në kampionat.
Koha e rregullt e miqësores mes Kadizit dhe Leçes përfundoi në barazim 1-1, teksa vendasit arritën të fitonin me 11-metërsha, duke u treguar më të saktë nga pika e bardhë. Kjo miqësore u zhvillua në kuadër të trofeut “Carranza” që u fitua nga skuadra spanjolle.
