Me rroga të vogla por me zemër të madhe. Kështu mund të etiketohet gjesti I sportistëve dhe trajnerëve të Sportklub Vllaznia të cilët kanë kontribuar financiarisht dhe me shumën e mbledhur janë blerë ushqime për 50 familje në nevojë.
Drejtori I klubit Mark Kroqi, në prononcimin e dhënë për mediat, e vlerëson në maksimum gatishmërinë e tyre për të kontribuar në këto ditë të vështira për Shkodrën dhe gjithë Shqipërinë.
Ndërkohë dy prej trajnerëve që kanë kontribuar në këtë gjest, pikërisht ai I atletikës Bruno Rrotani dhe I boksit Jetmir Kuçi janë shprehur se e rëndësishme mbi të gjitha është gjesti dhe njëkohësisht kanë ftuar edhe institucione të tjera për të vepruar në të njëjtën mënyrë.
Sportistët shkodranë në këtë mënyrë edhe njëherë tjetër kanë treguar se janë të veçantë jo vetëm për nga rezultatet që arrijnë në fushat sportive, por edhe në aspektin human.
www.shkodrasport.com
