Ne oren 14:00 sot ne stadiumin “Loro Boriçi” do te perjetojme serish emocionet e UEFA Champions League me ndeshje e femrave ne mes kampiones se Shqiperise Vllaznia dhe asaj te Bjellorusise FC Minsk.
Ne kampin shkodran ka besim dhe entuziasem se mund t’ia dalin per t’u kualifikuar serish ashtu siç bene dy jave me pare ndaj kampiones turke ALG Spor Kulubu.
Duke folur ne kete pragndeshje, njera nga lojtaret me te mira te Vllaznise Megi Doçi, do te shprehej keshtu: “Mendoj se stafi drejtues i ekipit tone e ka pergatitur ashtu si duhet kete ndeshje pasi kemi pare disa ndeshje te kundershtarit dhe e kemi njefare informacioni per menyren si luan ai.
Besoj se i kemi zbuluar pikat e forta dhe pikat e dobeta te Minskut. Vllaznia nderkohe eshte gati per kete ndeshje. Fizikisht jemi mire dhe po pergatitemi vetem taktikisht per menyren si do te luajme dhe besoj se do e arrijme objektivin tone, qe eshte kualifikimi per ne turin tjeter.
Kualifikimi ndaj kampiones turke na ka motivuar shume sepse kemi kaluar nje ekip te forte. Edhe ekipit te Minskut i kemi bere vleresimin e duhur dhe shpresoj t’ia dalim me sukses edhe kete here. Eshte diçka shume e mire qe luajme ne fushen tone, por kuptohet qe pa tifoze nuk do te jete diçka e mire, megjithate shpresoj t’ia dalim dhe t’i gezojme edhe ato”./SHKODRA-SPORT.COM/
