Paraditen e sotme në Pogradec është luajtur ndeshja e javës së 10-të të kampionatit kombëtar të futbollit të femrave në mes skuadrës vendase dhe Vllaznisë.
Skuadra shkodrane e cila vetëm dy ditë më parë fitoi Kupën e Shqipërisë, ka arritur një tjetër fitore në kampionat duke forcuar edhe
më shumë pozitat në krye të renditjes.
Ajo ka fituar me rezultatin e thellë 9-0 sot ndaj Pogradecit dhe interesant është fakti se të nëntë golat e kësaj ndeshje, i ka shënuar një futbolliste.
Pikërisht, lojtarja më e mirë e kampionatit shqiptar, Megi Doçi. Sulmuesja kuqeblu kësisoj ka qenë një “tërmet 9-ballësh” për kundërshtaret ditën e sotme por jo vetëm kaq.
Siç dihet, ajo është golashënuesja më e mirë e kampionatit shqiptar në gjithë historinë e tij nëntëvjeçare duke shënuar në total
mbi 200 gola deri më tani.
Por me këtë ecuri si sot, ajo me siguri që do të shënojë edhe shumë e shumë gola të tjerë.
© shkodrasport.com
