Elseid Hysaj është shumë pranë kalimit në një nga gjigantët e futbollit anglez pasi 3 klubet e mëdha të futbollit britanik janë vënë në ndjekje të tij dhe po mendojnë të paguajnë klauzolën prej 50 milionë eurosh për futbollistin.
Sipas ekspertit të merkatos italiane, Alfredo Pedulla, kjo është arsyeja pse dje ka udhëtuar drejt Anglisë menaxheri i futbollistit, Mario Xhiufredi, i cili ka zhvilluar takime atje për të folur rreth të ardhmes së lojtarit.
Pedulla sqaron se klubi më i interesuar për momentin është Çelsi, i cili sheh Hysajn si lojtarin perfekt për kampionatin anglez sa u përket aftësive që u kërkohet mbrojtësve në futbollin e këtij vendi.
Në radhët e londinezëve, Hysaj do të zinte vendin e italianit Zapakosta, i cili nuk është e sigurt se do të vazhdojë të qëndrojë në Londër.
Ndërkohë, është konfirmuar gjithashtu edhe interesimi i Mançester Junajtid dhe Liverpulit, dy skuadra të tjera të cilat mund të paguajnë lehtësisht
klauzolën prej 50 milionë eurosh.
Bisedimet konkrete nuk kanë filluar ende, pasi napolitanët kanë bërë të qartë se nuk duan shpërqendrime patra mbylljes së kampionatit ku janë duke luftuar për titullin.
Ndaj gjithçka pritet të zhvendoset në qershor, muajin e fundit kur klauzola e largimit të mbrojtësit të përfaqësueses është në fuqi. /vipsport/
