Trajneri i Vllaznisë, Ervis Kraja ka postuar një foto në rrjetet sociale, të cilën e ka shoqëruar me shkrimin: “Shokët e mirë të sjellin fat, kurse ata të mirët s’të marrin as në telefon”.
Në këtë foto ka komentuar dhe menaxheri i njohur Mario Cenolli. Ai ka thënë se Kraja duhet të ishte në krye të ekipit, që më parë, duke injoruar Ernest Gjokën.
“Profesor Visi urime për fitoren e sotme. Duhet të kishe qenë në krye të ekipit shumë e shumë më parë. Të përqafoj”.
Kujtojmë që Cenolli është menaxheri që pritet të sjellë në Shqipëri trajnerin Tokiç, për të marrë drejtimin e Partizanit.
