A do të qëndrojë apo jo Kristiano Ronaldo te Juventusi edhe në këtë sezon? Kjo me siguri do të jetë telenovela e merkatos në ditët në vijim, pasi nuk kanë fund zërat për largimin e lojtarit i cili nuk dëshiron të mbajë më veshur ngjyrat bardhezi.
Kjo ka detyruar edhe menaxherin e tij, Horge Mendez, që të udhëtojë drejt Torinos me urgjencë. Sipas mediave italiane, ai ka zbarkuar sot në qytet dhe do të organizojë takime me futbollistin, si dhe me drejtuesit e Juventusit për të përcaktuar të ardhmen e tij.
Ronaldo dëshiron të largohet dhe në ditët e fundit kanë dalë në skena emrat e Mançester Siti dhe PSG-së. Por problemi është se asnjë nga këto klube nuk ka bërë ofertë zyrtare për të dhe në këtë mënyrë, largimi i tij nuk është edhe aq i sigurt. Të gjitha situata që Mendes duhet të zgjidhë brenda pak ditësh, meqë po afron edhe fundi i merkatos.
