Sporti në Europë është ndalur thuajse tërësisht, por zërat e merkatos megjithatë vazhdojnë të qarkullojnë me këmbngulje në prag të seksionit të ardhshëm veror në përfundim të këtij sezoni.
Emri më i diskutuar në ambientet e Interit mbetet gjithmonë ai i Lautaro Martinezit, në qendër të interesave të Barcelonës dhe Realit të Madridit (në garë është edhe Mançester Siti, por më i tërhequr).
STRATEGJIA – Katalanasit, në avantazh të madh krahasuar me “Galaktikët” edhe falë sponsorizimit të Lionel Mesit, flitet të kenë nisur një negociatë me Interin për të evituar që t’u paguajnë zikaltërve 111 milionë eurot e klauzolës (që vlen vetëm për jashtë Italisë dhe brenda dy javëve të para të korrikut). Nga Spanja, në fakt, janë të gatshëm të vlerësojnë edhe më shumë sulmuesin argjentinas, për të ulur më pas shpenzimin “cash” dke përfshirë në marrëveshje disa shkëmbime.
Cilët? Sipas raportimit të “SportMediaset”, emrat më të lakuar janë Arturo Vidal, Nelson Semedo dhe Artur Melo. I pari mbi të gjithë është një profil që i intereson në mënyrë të veçantë trajnerit zikaltër Antonio Konte, i cili dallohet për përfshirjen e lojtarëve me karakteristika fizike në qendër të manovrave të tij. Ndërsa për sa i takon pjesës ekonomike, pikërisht falë shkëmbimeve, Barcelona tenton ta ulë deri në 50 milionë euro. Mbetet për t’u parë, në këtë pikë, se çfarë do të mendojë Interi.
RINOVIM – Që në krahun tjetër, përmes deklaratave të administratorit të deleguar Xhuzepe Marota por së fundmi edhe vetë presidentit Stiven Zhang është shprehur gjithmonë se nuk dëshiron të shesë yjet e skuadrës. Përkundrazi, të tërheqë talentet më të mirë të planetit.
Në rastin e Lautaros mund të diskutohet edhe një rinovim i kontratës që megjithëse skadon në 2023-shin i lejon “Demit” të arkëtojë “vetëm” 1,5 milionë euro në sezon: shifër që të mëdhatë e europës nuk do të kishin probleme të shumëfishonin. Gjithçka do të flitet, megjithatë, në fund të sezonit, ky ka qenë rregulli i vendosur nga Marota dhe Konte.
