Fjala merkato ne futboll prodhon gjithmone levizje me te cilat ekipet kerkojne te bejne perforcime. Dhe ne fakt, perpos levizjeve qe bejne ekipet e te rriturve, se fundi po shtohen edhe levizjet e lojtareve te ekipet e moshave. Sot do te ndalemi tek nje konstatim qe “Shkodra Sport” ka bere gjate miqesores se djeshme ne mes Vllaznia U19 dhe KF Shkodra U19 e cila eshte mbyllur me fitoren 2-0 te kuqebluve.
Ne keto dy ekipe ka patur levizje, teksa nje portier ka lene Vllaznia per te kapur tek KF Shkodra, por nga ana tjeter me ekipin eshte bashkuar nje tjeter element cilesor per mesfushen.
Portieri Lensi Çaku prej disa vitesh ka qene pjese e Akademise Vllaznia, por kete sezon ka zgjedhur te luaje per KF Shkodra U19 qe siç dihet sivjet do te marre pjese ne kampionatin e Kategorise Superiore te kesaj grupmoshe.
Nje levizje e tille mesa duket eshte bere ngaqe 18 vjeçari duke mos qene i kenaqur me hapesiren qe ka patur tek kuqeblute, e ka gjetur ate tek ekipi rival i tyre.
Nga ana tjeter, nga Vllaznia U19 nuk ka patur vetem largime por edhe afrime lojtaresh. Ai qe spikat nga ata te cilet jane vene tashme ne dispozicion te trajnereve Zmijani e Kola eshte mesfushori Paolo Pjeshka.
Ky i fundit ka qene pjese e ekipit AAS, njekohesisht eshte kontigjent i kombetares U17 te Shqiperise dhe mund te konsiderohet nje perforcim i rendesishem per Vllaznia U19. Kujtojme se Pjeshka ka patur edhe me pare nje tjeter pjestar te familjes qe ka luajtur me Vllaznine, pikerisht te vellane, Denisin./SHKODRA-SPORT.COM/
