Murlani vijon perpjekjet per t’u perforcuar ne prag te nisjes se kampionatit te ri. Pas rikthimit te dy futbollisteve braziliane qe kane qene pjese e tij edhe ne sezonin e kaluar, pikerisht Edson Trianoski dhe Gabriel Noronha, njeri sulmues tjetri qender mbrojtes.
Por nderkohe, “Shkodra Sport” meson se prej tre ditesh tek ky ekip jane duke u stervitur edhe tre futbolliste te tjere braziliane. Ato jane ne prove dhe deri neser trajneri Pepaj dhe stafi i tij do te vendosin nese do t’i mbajne apo jo.
Per momentin ka dyshime ne lidhje me formen e tyre, megjithate nuk ka me kohe per t’i provuar dhe si rrjedhoje neser do te merret medoemos vendimi perfundimtar sepse siç dihet do te mbyllen listat e federimit, ngaqe kampionati starton te dielen.
KF Murlani u shoqerua kete vere me largimin e trajnerit Xhahysa dhe po ashtu edhe te disa lojtareve dhe per kete arsye, drejtuesit u detyruan te nderhyjne ne merkato per ta plotesuar skuadren serish me lojtaret e duhur dhe deri diku ia kane arritur.
Ndonese ende nuk ka nje prononcim zyrtar, mesohet se ekipi i Murlanit edhe ne sezonin e ri do te tentoje te jete ne mes pretendenteve per ngjitjen ne kategorine e pare. Sezonin e kaluar iu afrua deri afer ketij objektivi por nuk e arriti dot dhe prandaj do te tentoje serish./SHKODRA-SPORT.COM/
