Daniele De Rosi më në fund mund të jetë i qetë, pasi COVID-19 nuk ekziston më në organizmin e tij. Mjekët i kanë hapur sot dritën e gjelbër ish-mesfushorit të Italisë, i cili pas 37 ditësh mund të përqafojë përsëri të dashurit e tij, siç e tregon në fakt fotoja që ka publikuar e përlotur bashkëshortja e tij.
Ish-lojtari, tashmë pjesë e stafit të përfaqësueses italiane, ishte infektuar gjatë grumbullimit të marsit kur kjo kombëtare u kthye në një vatër për COVID-1p dhe për më tepër, ai ishte në gjendje më të rënduar.
Meqë situata e tij shëndetësore vetëm përkeqësohej, u desh që të shtrohej në spital dhe ai tregoi se mjekët i kishin bërë të qartë se në atë moment jeta e tij kishte qenë në rrezik nga virusi në fjalë.
Sot, ai është kthyer në shtëpi, e prova ishte pikërisht fotoja e postuar në rrjetet sociale nga bashkëshortja e tij Sarah Felberbaum, e cila dukej e përlotur për momentin e këtij takimi me të pas një kohe të gjatë, ndërsa kishte vendosur mbishkrimin “37 ditë më vonë”. /vipsport/
