Leo Messi, ylli argjentinas i Barcelonës, është bërë golashënuesi kryesor i ligës në historinë e një klubi në Europë. Në këtë mënyrë, Leo Messi kalon golashënuesin legjendar gjerman, Gerd Müller. Goli i shënuar nga Messi kundër Real Sociedad, në “Anoeta”, i lejon atij të arrijë këtë rekord historik. Messi arriti 366 gola në Ligën Spanjolle me Barcelonën dhe e kaloi shenjën e Gerd Mullerit si golashënuesi më i mirë në një klub, të një prej ligave kryesore në Europë.
Muller, ylli legjendar i Bayern Munich, kishte arritur shenjën, midis viteve 1964 dhe 1979, e 365 gola në 427 ndeshje në Bundesliga.
Tani, Leo Messi ka shënuar kundër Real Sociedadit golin e tij të 366-të në kampionatin e ligës (Spanjë), edhe pse me më pak lojëra se Müller. Ai e ka bërë këtë në 401 ndeshje, që do të thotë një mesatare prej 0.91 gola në lojë. Mesatarja e Gerd Mullerit është 0.85 gola për lojë. “Torpedo” Müller e kishte disa vite më parë një rekord të tillë, që u tejkalua edhe nga Messi. Në vitin 1972, ai vendosi rekordin për më shumë gola të shënuar në një vit kalendarik, me 85 gola. Ky rekord mbeti për 40 vjet, i tejkaluar nga Lionel Messi i Argjentinës me 91 gola, në vitin 2012./telesport/
