Në vitin 2021, Lionel Messi u nda nga Barcelona dhe u transferua te PSG.
Transferimi i Argjentinasit u shpërblye plotësisht. Në vitin 2022, kryeqytetasit rifituan titullin kampion francez, atë sezon Leo shënoi 11 gola dhe dha 15 asistime në të gjitha garat.
Por Messi është i dobishëm edhe jashtë fushës së futbollit. El Economista raportoi se kontrata me shtatë herë fituesin e “Topit të Artë” i solli PSG-së 612 milionë paund shtesë, shkruan abcnews.al.
Gjatë vitit të Messit në Parc des Princes, parisienët rritën rrjedhën e të ardhurave të tyre me 13% falë marrëveshjeve fitimprurëse të sponsorizimit me marka të shumta të profilit të lartë, duke përfshirë Dior, PlayBetR dhe GOAT. Kriptovalutat e klubit janë dyfishuar, të ardhurat për herë të parë në historinë e klubit kaluan 300 milionë euro.
PSG ka shitur rreth një milion fanella këtë sezon, ku 60% e tyre mbajnë mbiemrin e Lionel.
Mark Armstrong, drejtori i marketingut i PSG, pretendon se klubi mund të kishte shitur edhe më shumë fanella, por kërkesa e tejkaloi ofertën! Në një intervistë për botimin spanjoll Marca, Armstrong tha se kërkesa është rritur me 30-40% dhe klubi thjesht nuk mund të përmbushë kërkesën për fanellat e Messit.
Rrjetet sociale të parizienëve gjithashtu filluan të zhvillohen më aktivisht me ardhjen e argjentinasit. Pas nënshkrimit të kontratës me Lionel Messin, 15 milionë u shtuan, audienca e parisienëve në rrjetet sociale në të gjitha platformat për herë të parë në histori kapërceu 150 milionë ndjekësit.
