Me ardhjen e Niko Kovaç në krye të Bajernit, shumë gjëra ndryshuan në stërvitjen e kampionëve të Gjermanisë.
Trajneri kroat ka implementuar një sërë metodash të reja, që ndryshuan rutinën e përditshme të futbollistëve. Por, një prej ndryshimeve nuk është pritur aspak mirë.
Rregulli problematik është ai i bërjes me detyrim të një xhiroje 20 minutëshe me biçikletë pas çdo seance stërvitore dhe një xhiro 30 minutëshe pas çdo ndeshje.
Arsyetimi i Kovaç mbi këtë metodë është se ndihmon në rigjenerimin e shpejtë të lojtarëve, por sipas “BildSport”, minutat e shtuara të stërvitjes kanë shkaktuar pakënaqësi te shumë prej futbollistëve, të cilët e cilësojnë këtë metodë si të pakuptimtë.
