Ne ndeshjen e djeshme ndaj Laçit, tifozet shkodrane kane mbetur te kenaqur nga performanca e skuadres se Vllaznise dhe sidomos ne 45 minutat e dyta. Ata njekohesisht kane shprehur keqardhjen qe asnjeri nga rastet e krijuara nuk perfundoi ne rrjete.
Por nga ana tjeter, nese ka patur ndonje gje qe ka lene te kenaqur me se shumti ata, ka qene performanca e mbrojtesit te ardhur ne merkaton e janarit, shqiptaro- maqedonasit Mevlan Adili.
Pas disa minutave ne ndeshjen e kaluar ndaj Flamurtarit, dje ai luajti titullar per 90 minuta ne qender te mbrojtjes sebashku me Maloten dhe kjo dyshe duket se do te jete nje “dige” e vertete perpara portes.
Tifozet dhe te gjithe jane befasur nga paraqitja e Adilit. Ndoshta ngaqe ishte prova e pare e vertete e tij dhe ai e ka kaluar me noten shkelqyeshem.
I sigurte ne çdo nderhyrje, bashkepunues me lojtaret e tjere te skuadres, luan mire me kembe dhe ka agresivitet ne loje. Keto elemente padyshim qe e kane bere ate lojtarin me te pelqyer te kesaj ndeshje, per me teper qe ka markuar ne menyre te shkelqyer sulmuesin me te mire te kampionatit Nwabueze.
Te mos harrojme se Adili sapo ka ardhur tek Vllaznia dhe nga ndeshja ne ndeshje pritet te vije duke e rritur edhe me shume performancen e tij. Adili ne mars mbush 26 vjeç dhe kjo pervoja me Vllaznine eshte e treta per te jashte Maqedonise se Veriut, ngaqe me pare ka luajtur edhe ne Rumani dhe Lituani.
www.shkodrasport.com
